معرفش ليه دائما بحب الغنُى
واعشق انين الناي
وريحة المطر
معرفش ليه دائما بحبك ساعات
وساعات يخدني البعد حد السفر
معرفش ليه متلبكه
ومشبكه كل السكك
وخداني عندك ولا رايحة لفين
معرفش ليه بعشق حنين السواقي
ورعشة النشوة فى ارضي الشراقي
والترعة والجميزة والتوتة
وعُمر متضفر فى حدوته
ريحة حطب طقطق كواني
على الكانون شايك واحزاني
وكلمتين ساعة العصاري اتشبكم
فى شعري ورده وكلمه فى لساني
حبك وطن ولا الوطن حبك
على البكى شكلت وجداني
سلمت دفت عمري للى جلد
ولا الجلد تايه على حصاني
خدتني ليك اللهفه حد الشبق
وتجمعت كل الحروف جوه الورق
معرفش ليه دائما بحب السهر
والعندليب بيغنى شوق القمر
واعشق عيونك لما يبتسموا
وتجلجل الضحكة تهز الوتر
تلمس شفايفك عمري
يطرح ندى
والبلبل الى فوق جبينك شدى
ميل شبك نجمه ب فستاني
لملم خيوط الشمس تغزل طريق
الحب ذادك حتى من غير رفيق
ترسمني ورده ولا ساعة ضيق
كل السكك متشبكه وملبكه
وخداني عندك ولا رايحه لفين
معرفش ليه دائما بحب البراح
ممدود بلا حد الفرح والالم
واعشق خضار الارض ريحة النجيل
قلبي العبيط يرمح فى ايده قلم
ومهره بتفك الوتد وتطير
وعندليب سابح فى بحر النغم
بعشق اهيم عندك مابين السطور
واعشق اشوفك فيه طاقة نور
تجمع شموسي لما تأسرني
بحلم الملم عمري فى المنديل
وزادي للسكة يلملمني
شفتك فى عز العتمة قلبي شهق
وتجمعت كل الحروف جوه الورق
A.B
هناك 49 تعليقًا:
عمر كامل ترسمه كلماتك
حياه كاملة من الميلاد الى الموت تلمسنى كل لفظة فيها وتهز اعماقى بشدة
مدهشة فى جمالك غير انى لست مندهشا فقد اعتدت منك على الجمال الملهم
حبك وطن ولا الوطن حبك
وكيف بعد ذلك يأخذك البعد حد السفر
يا صديقتى التى ظلت تنفخ فى نيرانى الخابية كلما اوشكت على الانطفاء
وملاكى الراعى الذى ظل يذكرنى ما نسينى الاخرين ويؤمن بى ما كفرت بى نفسى
لك الفضل فى عودتى من المتاهات المظلمة
جميلة قصيدتك الى حد الصمت
صمتى انا حيث لا املك من اللغة ما يفى باحساسى بها
دمتى لى رائعة وملهمة وصديقة وعوناعلى نفسى
الله عليكى بجد
تسلم الأيادى
يا حلم عمرى اسمعى
اراكى امامى كل يوم عصفورة كل ايامى
اراكى امامى فى ليل شتاء حالك السواد قمر يضيئ احلامى
فانتى الروح وانتى الحياة وبدونك لن اكون ... اتسمعين ؟؟؟؟
كل سنة وانتى اسعد الناس
محبتى يا جميله
الحمد لله شعراء العامية لسة بخير
و مصر دي على طول ولادة
لما شِعرك يطلع ينط يفط من قلبك
يحكي على اللي في قلبك
أقول دي مصرية
لما شِعرك يصبح دار وساقية وغيط وسجاده صلاه متعلقة على حيط
أقول دي مصرية
لما شعرك اشوف فيه أمي وابوايا وأختي واخويا
أقول دي مصرية
لما شعرك يفرحني ويبكيني ويخفف عني وينسيني
أقول دي مصرية
لما شعرك يعصر جوايا حنيني يلملم غربتي و سنيني
أقول دي مصرية
لما شعرك ساعة فجريةيبقى ديك فصيح ينده على جيرانه لركعتين ويصيح
أقول دي مصرية
لما شعرك يبقى شواشي تضلل على اللي قاعد واللي ماشي
أقول دي مصرية
لما شعرك يبقى حكاوي لشاعر بربابة والزناتي وأبوزيد ونصرتهم للغلابه
أقول دي مصرية
لما شعرك لسه فاكر جذوره وتربته
لايوم تاه ولا نداهه ندهته
أقول دي مصرية
مازلت أؤكد على تمكنك من أدواتك ولغتلك الجميلة السهلة في العامية
عندما تلملم كل تلك المشاعر وكل مفردات الوطن في صورة واحدة
تحياتي
حسن أرابيسك
وربنا المعبود أنا كمان ماأعرف
كل سنه وانتي طيبة وألف مبروك عالشغل
وشدي حيلك
موسيقك الشعرية تنضج على نار هادئة
خالص محبتي
الله بجد
احساس عالى وتمكن من الادوات
بجد الله
واحلى حاجة ف شعرك انه متشرب من ريحة البلد
معرفش ليه بعشق حنين السواقي
ورعشة النشوة فى ارضي الشراقي
والترعة والجميزة والتوتة
ريحة حطب طقطق كواني
على الكانون شايك واحزاني
بجد هايل جدا
الجميلة اشراقات
قرأت النص كثيرا وكلما وددت كتابة رد أجد الصمت يخيم ..
اقتباس
معرفش ليه دائما بحبك ساعات
وساعات يخدني البعد حد السفر
.......
برضه أنا كمان ماعرفش
........
انتي كاتبة ملحمة مشاعر لو فضلت اقتبس منها هاقتبسها كلها
بس عارفة وانا باقرالك النص ابتسمت وحنين وافتكرت و يمكن اتدايق لما افتكرت ..
وكمان عرفتي تكتبي آخرها بروعة ..
اشراقات على الرغم من كسلك بس لما بتكتبي بتبقى اشراقات فعلا ..
...
(احم احم ابقي ف العامية اكتبي دائما =دايما)
...
اشراقات بجد النص ده حدوتة كبيرة اوي ..
مستنية الجديد وعشان خاااااااطري بلاش كسل ..
نص آخر جميل يا صديقى
يبدو أننى تعرفت إلى صاحب موهبة حقيقية
قلة هم من يملكون الموهبة
أنت واحد منهم
مودتى
معرفش ليه بعشق حنين السواقي
ورعشة النشوة فى ارضي الشراقي
والترعة والجميزة والتوتة
وعُمر متضفر فى حدوته
ريحة حطب طقطق كواني
على الكانون شايك واحزاني
وكلمتين ساعة العصاري اتشبكم
فى شعري ورده وكلمه فى لساني
حبك وطن ولا الوطن حبك
------------------
الله ينور عليكي يا أستاذة
إنتي شاعرة كبيرة أوي ..
وعندك قاموس جميل وأصيل
لو تضيفي للتركيبة العجيبة دي شوية ( صنعة ) حتبقي أشعارك حاجة جامدة جدا ...يعني مثلا :
بعشق عيونك لما ( يتبسّموا )
أعلي من : بعشق عيونك لما يبتسموا
أحسنت ..يا أستاذة
ايه الجمال ده. وبتقولى انك اتغربتى 15 سنة! امال لو كنت عايشة فى مصر بقى؟!
بجد اسلوب بديع وتوليفة كلمات ومفردات من تراب الارض بجد .الله ينور عليكى ويا ريت نشوف زى ده كتير كدة وكل سنة وانت طيبة .
كتير كتير كتير حلو
هيدي ردّة الفعل الاولى بعد ما قريت ..رغم الارهاق الفظيع اللي انا فيه بهاللحظة ..
لذلك لي عودة لأقرأ بـِسـَلـطـَنة ..
تحية كبيرة ..و أنا ممنون انك وصّلتيني لعنوانك .
امممممم
اتأخرتي جداااا المرة دي علينا ..
يارب تكوني بخير ..
سمير مصباح
يسعدنى اولا انك اول تعليق
ويسعدنى دائما تشجيعك الدائم واعطائى اكثر مما استحق فيا صديقي انت من يستحق كل هذا الاتراء ونعم لست انا فقط من يؤمن بموهبتك بل الجميع وابدا يا صديقى لن توشك على الانطفاء ولكنها قطعة الالماس التى تبقى ويشع نورها
انت دائما رائع ومبدع فوق العاده
دمت لى اخ وصديق ورفيق لدربي الطويل
ومعينا لى على الدنيا
blue-wave
يسعدنى دائما مرورك وتسلم ايدك على التعليق الصغير ده بس له معنى كبير
كل سنه وانت طيب
ومنور دائما يا دكتور
desert cat
قطتى الشقيه الجميله منوره يا قمرايه
كل الكلام الجميل دا عشانى انا ربنا يسعدك يا قمر
على فكره انت اجمل قطه شفتها فى حياتى على فكره ليكى فنوس عندى بس فنوس بجد من ابو شمعه ومش بيغنى
كل سنه وانت اجمل واسعد الناس
ورمضان كريم
حسن ارابيسك
الاصاله كلها فى اسمك وحضورك كل الى قلته دا كتير عليه اوى تسلم ايدك
بجد بجد انا مش لاقيه كلام اقوله غير انك بجد فيك ريحة البلد دى واصالتها
عمرك اخدت بالك من ريحة الزرع لما بينزل عليه المطر او ينسقى بيبقى له ريحه جميله جدا وريحة فرن الخبيز الى فى البلد الى بلحطب والقش انا بعشق الريحه دى تصدق وانا بقرأ تعليقك فكرتنى بيها
بجد اخجلتم تواضعنا
انت دائما منورنى
ودائمادائما يسعدنى مرورك
وكلك زوق يا حسن
د\ذين
خطوه عزيزه نورت المدونه المتواضعه دى والمدونات الى حواليها
ما انا كمان وربنا المعبود ماعرف
شهادتك اعتز بيها
متحرمناش من زيارتك
نورتنى ويسعدنى مرورك
ورمضان كريم
Abu Shahin
نورت المدونه فى اول تعليق ليك هنا
شرفنى مرورك واحساسك بالقصيده وسعيده بتعليقك جدا وحلوه اوى فكرة المنشتات الى عملنها فى المدونه عندك علقت عليها لكن للاسف النت عملها معايا كلعاده
هعاود الكاره يا رب تظبط
نورتنى بجد
ويسعدنى مرورك
د\اسماء
يا غاليتى حنين وابتسام وحب وكل حاجه نوافق عليها لكن يمكن تضايقى لا انا اموت الى يفكر يضايقك
نورتينى يا قمر
واخجلتى تواضعنا ملحمة مشاعر مره واحده ربنا يخليكى ليه
خلاص يا قلبى انا هكتب عاميه على طول عشان خاطر عيونك
وهحاول مكسلش خلاص معلش قلمى كان تحت التلين انت عرفه انا بكتب لما بحس انى جوايا شحنه عايزه تطلع
زى ما قال نجيب سرور كده
يا قبرتى انا لا احسن فن الوصف
انا لا اعد من الشعراء
انا لا اكتب الا حين اكاد اجن
ان لم اوصف نفسى فى كلمات
اقولك سر
تعليقك خلانى عايزه اكتب واوعدك انى هكون نشيطه
وبخصوص تعليقك التانى
تسلميلى يا قمر انا بخير بس انت عارفه رمضان عزايم وصلى وقرأن
مايحرمنيش من سؤالك كلك زوق
ورمضان كريم
محمود الديدامونى
عندما تاتى الشهاده لى بالموهبه الحقيقيه من ناقد كبير زى حضرتك دى تبقى شهاده اعتز بيها جدا
نورت مدونتى المتواضعه فى اول تعليق ليك
واتمنى دوام التواصل الفنى
كل سنه وانت طيب
ومضان كريم
شرفنى مرورك
ا\رائد عبد السلام
نورتنى بجد ويسعدنى جدا تعليقك ولما تشهدلى انى شاعره كبيره دا شرف ليا من شاعر زى حضرتك متمكن من ادواته
وصاحب روح ودم خفيف
بخصوص الحرفيه طبعا هاخدها فى الاعتبار
بس للاسف انا بكتب باحساسى وبعلق باحساسى وبنقد باحساسى بصراحه وفى سرك انا بجد لسه لا امتلك من الحرفيه ما يكفى بس اوعدك هحاول
نورتنى بجد
متحرمناش من مرورك
هانى زينهم
شرفنى مرورك دا اولا ثانيا وثالثا ورابعا شرفنى تعليقك
ويسعدنى دائما زيارتك
صحيح 15 سنه غربه بس الغربه غربة بدن مش روح وانا روحى كانت هنا معجونه فى طين البلد دى شامه ريحة الغيطان وحافظه شكل الشوارع الخريطه كلها جوايا
ادعيلى قلمى يطاوعنى
كل سنه وانت طيب ورمضان كريم
حـنــّا السكران
جو غانم
كتير كتير كتير شرفتنى زيارتك
لما دى ردة الفعل الاولى انا هستنى لما ترجع تانى تقرى بسلطنه
يشرفنى زيارة كاتب وشاعر متمرد وساخر
ويملك كل هذا الشجن نورتنى بجد يا جو
وهستنى رايك بعد السلطنه
على فكره حلوه اوى القصيده الجديده
خطوه عزيزه
واسعدنى مرورك
ابداع اكثر من رائع وتجسيد متميز ماشاء الله عليكي ربنا يكرمك وينفع بيك
وكل سنه وانتى طيبة ورمضان كريم
معرفش ليه ؟
كنت جالسه في وحدتي العمديه فالكون اصبح مشوشا هائجا توحشت كل ملامحه والتي كانت مسالمه في يوما من الايام ...
وجاء صوتك العذب" قطتي الملاك اين انت "
انا هنا ابكي كالعاده ايضا في جوار رائعتك " معرفش ليه "...
كيف تنظمين النغم وتصنعين العالم المسالم
الجميل بجوار شجره خضراء كبير اسكنتِ نفسي هناك... ابواب بيتك مفتوحه
هل لي ان ادخل اريد رشفه ماء بارد من يداك الجميل..............
دامت صداقتك وودك لي
قبلاتي وحبي لن يكفي
الف تحيه وتحيه
اميره جمال
بجد بجد رووعة
بجد رائع
أعرف أن هناك أشخاص من محترفي التعليق علي المدونات ولكني للأسف لست واحد منهم
يبقي اسمحيلي اني اقول ان اقول ان دا ابداع عالي قوي وبيلمس الروح علي طول
تحياتي
إشراقات الجميلة
حلو الكلام
كلام جميل
والأجمل روحك اللي وراه
فنون دي اللي في البروفايل تعني إننا زميلات في أكاديمية الفنون ؟
أنت بنوتة جميلة
اشراق من نوع خاص
عندما يشرق القمر
وتتغزل الكلمات
وتتطناطح الحروف
وتتراماالمعانى
ويقترب قبطا المغناطيس
وتتفاعل الارواح
فهناك اشراق من نوع خاص
تقبلى تحياتى
بجد أرفعلك القبعة
حاجة رائعة بجد
تسلم إيدك يا قمر و كل سنة و أنتى طيبة
و يبقي السؤال بغير جواب
افضل ما في هذا السؤال انك لا تنتظر اجابته و ان بدوت كذلك
هناك اشياء تموت جمالها ان عرفنا سببها
و هناك اشياء نموت نحن من فرط الحيرة ان لم نعرف
تحياتي
انا رجعت تانى عشان اشوف ايه الجديد واقرا القصيدة من تانى
بس يا خسارة مالقيتش فى جديد لكن سحرتنى القصيدة من تانى
بجد من احسن ما قريت
وسعيد ان فكرة المانشيتات عجبتك
تحياتى
=======
ياريت تلغى الكلمة التاكيدية
1 الاعدادات
2 التعليقات
3 الكلمة التاكيدية .. اختارى لا
العيب الوحيد اللى فى المبدعين انهم بيتاخروا كتيييير !! ولا الارض دى ما بقتش توحى بحاجة والغربة احسن ؟؟ لو طولتى عن كدة اكيد يبقى العيب فى الارض !! كل سنة وانت طيبة
كل سنة و انت بخير
,.-~*'¨¯¨'*•~mr ,.-~*'¨¯¨'*•~monshed
مرورك اكثر من رائع
اشكرك
وكل عام وانت بالف خير
اميرتى الجميله
كل عام وانت يا جملتى سعيده وجميله
لكى كل الحب
وقبلة بين عينيك يا صغيرتى
دمت لى يا قطتى الملاك
كلام حسام
بجد بجد زيارتك هى الرائعه
دمت ودام مرورك
شادى اصلان
انت بس تنورنى واكتب اى حاجه والمعنى فى بطن الشاعر ومرورك ابداع
وتشريف فى حد ذاته
اشكر لك زيارتك واطراؤك
ودام التواصل
كل عام وانت اسعد الناس
الجميلة هويدا صالح
الاجمل زيارتك يا عزيزتي ووعيك وتمردك
وفنون هذه لا تعنى وللاسف اننا زميلات فى اكاديمية الفنون كان يشرفنى ذلك بالطبع
ولكن تعنى اننى امتهن نوع من انواع الفنون او انا اعتبره كذلك
وبالطبع ليست الكتابه فانا لا امتلك الادوات ولا الحرفيه ولا انوى الاحتراف
فقط اكتب حين اكاد اجن ان لم اوجز نفسى فى كلمات
فانا لا اعد من الشعراء ولا اجيد الكتابه
فقط اجيد القراءة واعشقها و احيانا اجيد التمرد على كل شئ
دمت لى ايتها الرائعه
وشرفنى مرورك
وكل عام وانت اسعد الناس
ABOALI
والله تعليقك هو الى ابداع
اشرقت على بطلتك
وشرفنى مرورك
كل عام وانت بالف خير
ودام مرورك وتواصلك
انا ودماغي
تسلميلى يا قمرايه وشرفنى مرورك
وكل سنه وانت جميله وطيبه واول يوم جامعه اهىء اهىء ولا يهمك هتعدى هوا
مليون بوسه يا جميلتى
ودمت رائعه
Jack Sparrow
نعم يا صديقى اروع الاسئله هى التى لاتعرف لها اجابات هى هكذا وكفى
لانها محض مشاعر
و هناك اشياء نموت نحن من فرط الحيرة ان لم نعرف اجابتها وهذا لان الانسان مفطور على البحث عن الحقيقه وانتظار الاجابات عن المجهول
دام تواصلك
وكل عام وانت بخير
Abu Shahin
انت تنورنى وتشرفنى فى اى وقت تانى وثالت ورابع
وشكرا جدا على المعلومه اوعدك هحاول الغيها
وعلى فكره انتم مجموعه جميله جدا وانا بتابع مدونتك ربما لا اعلق بسبب اعطال فنيه فى النت ولكنى متابعه جيده لمدونتك
دام تواصلك
وكل عام وانت بالف خير
هانى زينهم
شرفنى جدا مرورك للمره الثانيه
بس يا مستر هانى ايه مبدعين والكلام الجامد ده دا انا غلبانه جدا
مساء الورد
كل عام وانت بخير انت وبنوتك والمدام
دام تواصلك
وكلك زوق
أنترنتاوي
كل سنه وانت بخير وسعاده
اسعدنى مرورك
ونورت
الللللللللللللللللللللللللله الله عليكي
عارفه حسيت باصاله وريحه الياسمين وزقزه العصافير في الصبح
اللللله احساس ممتع حسيته بمجرد اني قريت كلامك
كل سنه وانتي طيبه وميرسي لتهنئتك ليا
واتمني التواصل الدائم
الله عليك جميله
اشراقه رائعه
كل سنه وإنت طيبه ومشرقه
رغم بساطة الكلمات إلا أنها موحية بالكثير المتدفق ولك تعبيرات شعرت أنها خاصة بقلمك .. أعد بالمزيد من المتابعة .
دخل الشتا .
بجد حاجه جامده جدا
وفيها لغه سهله جدا وده اكتر حاجه عاجبانى فيها
اللغه السهله والاداء المتيمز المتناسق
الروح العاليه جدا والاحساس عالى جدا
موفقه جدا فى العمل ده
استمرى ومستنينك
فى حاجات تانيه
احمد عبدربه
إرسال تعليق