امسك قلم واكتبني واتهجاني
ارسم حروف بهتانه واتحداني
ارسمني من جوه
عريني بالقوه
واصرخ فى وشيى اموت
وارجع رقيق تاني
تلمسني تحيني
وتبوس على جبيني
وتضمني اضحك خجلانه من نفسي
بحلم وكان نفسي
فارس كما المواويل
شاعر غنى وفقير
ومعاه اكون نفسي
بحلم وكان نفسي
A-B
هناك 9 تعليقات:
يااااااااااااه
رجعتينى لزماااااااااااان
فاكرها كويس وفاكر كل كلمة فيها
جميلة قوى وكانت زمان بتستفزنى لكن دلوقتى بترجعنى لايام جميلة
كل سنة وانت طيبة
ومسامحة وجميلة
كل سنة وانت مش بعيد
الحلم مركب ورق .. تناتيف هوس طايش
يحلم ببـر بعيـد ... و موجه ليه حايش
لو الزمـان سعده ... يغرق على شطـه
ما تغرهوش سكـه .. يصبح يكون بايش
------------------------
اشرقت
و احلى الاشراقات اشراقاتك و ان كانت تحمل اسى حلم
الحلم يا صبيه كان من زمان اساطير
سعيده جدا بالعنوان اللى جابنى هنا
ياااااااااااه
حمد الله بسلامتك ف المدونة يا أشرقت
كده برضو تسيبينا ده كله
...
بحلم وكان نفسي
فارس كما المواويل
شاعر غنى وفقير
ومعاه اكون نفسي
...
و معاه أكون نفسي
هو ده المهم و اللي مش لقياه
:)
كل سنة و انتي قمراية و منورة مدونتك
شفتى رغم انك قافلة المدونة من زمان الا ان الناس لسة فاكراها ازاى .
عشان كدة باقولك مهما انشغلتى ما تبعديش .
طبعا البوست جميل اوى فى مفرداته وافكاره. بس الظاهر الحلم ده عمره ما هيتحقق رغم اننا كلنا بنحلم بيه . والظاهر برضه اننا من الناس اللى مش بتعرف تعمل سعادتها بايدها وبتعتمد ع الناس فى ده عشان كدة بتفضل دايما سعادة ناقصة.
سيبك انتى كل سنة وانتى طيبة ونورتى مدونتك .
اشراقات
التي أعتز بها وبكل إشراقاتها
دائماً وابدا كل ما تدونين له دلالته العميقة والقوية
أتمنى دوام التواصل الجميل بمدونة أعتز بها بحق
تحياتي
معاه اكون نفسي
شعرك رقيق وكلماتك بسيطة وموحية
كل سنه وانت طيبه وبخير وصحه وسعاده
اشراقات فينك من زمان ليكي وحشة اختفيتي فين والدنيا خدتك لفين
يارب تكوني بخير
تحياتي
رمضان كريم
إرسال تعليق