معرفش ليه دائما بحب الغنُى
واعشق انين الناي
وريحة المطر
معرفش ليه دائما بحبك ساعات
وساعات يخدني البعد حد السفر
معرفش ليه متلبكه
ومشبكه كل السكك
وخداني عندك ولا رايحة لفين
معرفش ليه بعشق حنين السواقي
ورعشة النشوة فى ارضي الشراقي
والترعة والجميزة والتوتة
وعُمر متضفر فى حدوته
ريحة حطب طقطق كواني
على الكانون شايك واحزاني
وكلمتين ساعة العصاري اتشبكم
فى شعري ورده وكلمه فى لساني
حبك وطن ولا الوطن حبك
على البكى شكلت وجداني
سلمت دفت عمري للى جلد
ولا الجلد تايه على حصاني
خدتني ليك اللهفه حد الشبق
وتجمعت كل الحروف جوه الورق
معرفش ليه دائما بحب السهر
والعندليب بيغنى شوق القمر
واعشق عيونك لما يبتسموا
وتجلجل الضحكة تهز الوتر
تلمس شفايفك عمري
يطرح ندى
والبلبل الى فوق جبينك شدى
ميل شبك نجمه ب فستاني
لملم خيوط الشمس تغزل طريق
الحب ذادك حتى من غير رفيق
ترسمني ورده ولا ساعة ضيق
كل السكك متشبكه وملبكه
وخداني عندك ولا رايحه لفين
معرفش ليه دائما بحب البراح
ممدود بلا حد الفرح والالم
واعشق خضار الارض ريحة النجيل
قلبي العبيط يرمح فى ايده قلم
ومهره بتفك الوتد وتطير
وعندليب سابح فى بحر النغم
بعشق اهيم عندك مابين السطور
واعشق اشوفك فيه طاقة نور
تجمع شموسي لما تأسرني
بحلم الملم عمري فى المنديل
وزادي للسكة يلملمني
شفتك فى عز العتمة قلبي شهق
وتجمعت كل الحروف جوه الورق
A.B
لم تكن تعلم انها عند مفترق طرق
بات من المستحيل عليها ان تبقى هكذا
آلمها كثيرا واثقل كاهلها ما عادت تستطيع
بات قلبها اضعف من ان يحملها او يتحملها
, تغمض عينيها ترى نفسها فى الهواء
ترقص الباليه وسط ذهول المارة
تنطلق كالفراشة فى كل الاتجاهات
تحرر هذا الجسد المثقل وتسبح روحها فى فضاء رحب
براح لا يعترف بمرئيات تعيقه
سابح فى ملكوت الآلهة تحاول جاهدة ان تُسكت صوت العقل
تُوقف ارسال الشفرات لفتح قنواته المشرعة دون توقفت
تستحلفه اصمت قليلا ارادت دائما ان تقرر ارادت ان تكون ذاتيه
ان تعلنها للجميع اريد ان احتفظ ببعضي لنفسي
اريد مساحة من الخصوصية وقت امتلكه
يكون لي حق تقرير المصير دون الاخذ فى الاعتبار
ردات فعل او غضب الجميع تريد ان تكفر بالوطن
بالقومية بكل ما اعتنقته واثقل كاهلها
لن تبكي من اجل الاخرين
لن توجعها الاخبار
لن تشاهد التلفاز ستعتزل الدنيا
الان هي فقط تريد الحب
