وعرفت ان الصحاري البور مابتطرح سوى الصبار
مرار ف مرار وجمرة نار على قلبي تفتتني
وتمضغني نياب الليل فى حدوته
بكام توته
وانا
انا زي النسيم الاهبل
يعدى بحوووووووووووور
ويتفتت على صخره على طوبة
وانا التوبة
فى معقل كذب بتحاكم على صدقي
انا الانسان
انا الملعون بتفكيره
انا الكافر
انا الفاجر
انا المطرود بأمر الرب من الجنه
وانا الحنه
على كفوف الصبايا تدووووووور
فى ليلة عرس مجنونة
وملعونه يا ايامي
يا احلامي
يا خطوه على الطريق بكره بتشقيني
انا الانسان
هناك 6 تعليقات:
العزيزة "إيه النور ده كله"
خالص محبتي
الكلام الجامد قوي ده بتاع مين
حلو سيااشراقات لو كلامك يبقى انتي قنبله ولو كلام حد تاني يبقى اختيارك قنبلة
تمنياتي دائما بالتوفيق
دا نورك انت يا دكتور زين منورنى بجد شكرا لمرورك الكلام ده كلامى انا دا تاريخ يا دكتور انا لسه بفرج عنه دا من سنين طويله
للمره التانيه بترفع من معنوياتى يارتنى فعلا اكون قنبله زى ما قلت
متحرمناش من مرورك دائما
وسلامى لتسايح
هنا أشم أريج وعبق وشدو وعذابات عمنا صلاح جاهين
عصرت دماغي محاولة مني استرجاع ماكتب صلاح جاهين
لأن مادونتيه هناهو عذابات كتاب كثيرون في فترة من التاريخ يلتئم معها مااثمرته قريحتك هنا
وكانت فترة لم يجيد على ما أعتقد الكتابة والبوح عنها سوى صلاح جاهين
لذلك كان لزاما علي أن اسالك أي أحداث تلك التي جعلتكِ تنصهرين هكذاداخلك ثم إنفجار براكينك المكبوتة لتقذف لنا حمم من عذاباتك تتحول بعد أن تهدأ وتستكين إلى أحجار كريمة من الشعر الجميل فتتشابك كلماته مكونة لنا عقدا جميلا على صدورالشعراء
وعجبي
أرابيسك
ارابيسك لو فهمت كلمة تاريخ بالمعنى العام لا انا اقصد دا تاريخي انا مش تاريخ بالمعنى المطلق احنا فى كل وقت للاسف ملعونين بتفكرنا الاحدث الى صهرتنى هى نفسها الى صهرتك وصهرت كل واحد عنده موهبه حقيقيه الفرق فيه ناس بتصرخ بصوت عالى والناس كلها تسمعها وناس بتكتم صرختها لحد ما تقدر تبوح
على فكرة دا شعر .. بس كدا
وصلى شعر
شكرا
اسعدنى المرور بمدونتك وأتمنى لك التقدم والمزيد من الاهداف النبيلة
كما أدعوك لزيارة مدونتى والتى محتواها
تعالوا نسافر المسافات الى زمن من المحبة لاينتهى
كما أدعوك لقرأة قصتى
(بكل لغات العالم أحبك)
إرسال تعليق